Denarekin ez zeuden ados, ordea. Etxebizitza hutsei errekargua ezabatzearen aurka agertu ziren. Joseba Azpiazu zinegotziak irakurri zuenez, “errekargu hau etxebizitza alokairuan uzteko lagungarria izan daiteke eta, gainera, gure programan aipatzen dugun progresibitatearekin bat dator”. EAJ gobernuan dagoen bi herriko kasuak azaldu zituen: “Zarautzen %150eko errekargutik %100era jaitsi da eta Urretxun ere ez dute errekargua kendu”. Oier Korta alkateak erantzun zion esanaz bera ez zela sartuko beste herrietan ezartzen ziren tasetan: “Gu hemen Zumaiaz ari gara”.
Orokorrean gustuko ordenantzak izanda ere, “eta azken zortzi urtetan egindako ia aldaketa guztiak mantendu direla”, errekarguaren ezabapen horigatik abstenitzeko erabakia hartu zuen EH Bilduk.