Udaberrian hasi eta San Pedro jaietara arte jokatuko dira Odieta frontoian (Herri Eskolako pilotalekuan eguraldi txarrarekin) eskuzko eta palako txapelketa herrikoiak. Biak ere binaka jokatuko dira.
Zumaiako Kirol Elkarteak, kirol jarduera hauen antolatzaileak, zabaldu du dagoeneko hauetarako izen ematea. Horretarako zpelkartea@gmail.com helbidera idatzi beharko dute txapelketetan parte hartu nahiko duten lagunek. Izenak apirilaren 14ra arte eman daitezke.
Antolatzaileek azaldu dutenez, eskuzko partidak ostiraletan jokatuko dira; palakoak, berriz, ostegunetan eta larunbatetan.