Asteburu honetan ere ez da zinema eskaintzarik faltako Zumaian. Bi film botako dituzte Aita Mari aretoan; helduei zuzendurikoa bata, haurrentzako bestea.
Políticamente incorrectos filmean alderdiak aurrez aurre izango dira datozen hauteskunde orokorretan. Gorrotoek, bete gabeko programek eta debekatutako maitasunek hauteskunde-makineria batean bidaiatuko dute gas eta balaztarik gabe. Larunbatean, igandean eta astelehenean ikusi ahal izango da, 19:30ean.
Museoaren zaindariak filmean, berriz, Vincent katu gaztea Maurice izeneko sagutxo batekin elkartuko da piano zahar batean uholde batetik ihes egiteko. Emanaldia 17:00etan hasiko da.