Larraina euskara elkarteak udalaren laguntzarekin antolatutako solasaldi zikloaren hirugarren saioa izango da gaur, asteazkena. Oxford aretotik Aita Mari zinemara egingo du salto hitzaldi zikloak gaurko saioarekin, gai mamitsua baitakarte esku artean: euskarak kirol profesionalean eta, batik bat, futbolaren munduan duen presentzia.
Bertan elkartuko dira Jagoba Arrasate Osasuna futbol-klubeko entrenatzailea, Arritxu Iribar Euskadi Irratiako kazetaria eta Ane Urkiri Gara-ko kirol arduraduna. Hizketaldia 18:30ean hasiko da.