Feminismoaren bueltan dabiltzan norbanako eta kolektiboak elkartzeko eguna izango da biharkoa. Izan ere, herriko Mugimendu Feministaren topaketa antolatu dute arratsalderako, eta errepaso historikoa egiteaz gain, eragile eta talde feministen aurkezpena egingo dute. Gero, tertuliatxo batekin emango diote amaiera hitzorduari. Guztira, ordu eta laurden inguruko bilkura izango da.
Emakumeon Etxean elkartuko dira, 18:30ean. Deialdi irekia da, eta interesa duen oro bertaratzera gonbidatu dute.