Bilboko Euskaldunak hartu du azken bi egunetan aurtengo Gaztea Sariak. Gaztea irrati kateak antolatutako kontzertuak eta sari banaketak izango dira bertan egun hauetan. Atzo bertan Gorka Urbizuren kontzertua izan zuten bertaratu zirenek, baina aurretik talde berri onenaren saria ere banatu zuten. Eire bikoak eraman zuen garaikurra, Gazteako erredakzioak hala erabakita.
Eire Maiak eta Eire Salegik osatutako bikoak iaz, Durangoko Azokako atarian publikatu zuen Zauriren bat bistan izeneko EPa. "Dudarik gabe, urteko aurkikuntza preziatuenetarikoa izan da Eireren musika", azpimarratu dute Gazteako arduradunek.
Irribarretsu atera ziren Maia eta Salegi agertokira saria jasotzera, eta pozik agertu ziren. Gaur Euskaldunan bertan jotzeko gonbidapena ere jaso zuten bi gazteek.
Hemen ikus daiteke sari baneketaren bideoa: