Oikiako etxebizitza batean sua piztu zen atzo arratsaldean, eta suhiltzaileen laguntza behar izan zuten sutea itzaltzeko. Zumaiako udaltzainek 18:30 aldera jaso zuten bizilagunen deia, eta joan zirenerako bizilagunak kalean aurkitu zituzten. Pertsona batek etxean jarraitzen zuen, ordea, eta hura kanpora atera zuten, baita ondoko etxebizitzako bizilagunak ere, bada ez bada, suhiltzaileak bertaratu bitartean.
Udaltzainek hedabide honi jakinarazi diotenez, inork ez zuen minik hartu, eta ez dirudi suak kalte larririk eragin zionik etxeari.
19:30 alderako normaltasuna zen nagusi Meagatik Oikiara joateko bidegurutzean dagoen etxebizitza horretan.