Martxoaren 21a da Poesiaren Nazioarteko Eguna, eta horren inguruan zenbait ekitaldi antolatu ditu Iruñeko Udalak Nafar Ateneoarekin elkarlanean. Hala, martxoaren 20an, poesia errezitaldia eskainiko du Imanol Ulacia zumaiarrak Kondestable Civivox izeneko espazioan. 19:30ean izango da, eta sarrerak doan badira ere, aurretik eskuratu beharko dira. Hemen dago horretarako aukera.
Zatiaren poesia. Maximoa minimoaren bidez adieraztea izeneko proposamena eramango du Iruñera, eta iaz plazaratutako Maravillas del espacio liburuko poemak errezitatuko ditu.