Aurtengo Gabonetan ere ez da haur parkea falta izan. Dena den, izan da berrikuntzarik; izan ere, Lubaki kiroldegian beharrean, Aitzuri pilotalekuan kokatu dute aurten. Hala, hamarnaka familia bertaratu dira adin askotariko aurrentzat zuzendutako jolastokira. Denetarik egiteko aukera izan dute, gainera, puzgarriak ez ezik, ibilgailu bereziak, mahai jokoak edota mini golfa jarri dituztelako, besteak beste.
Bertaratu diren guztiak, haurrak nahiz haien gurasoak, gustura aritu dira jolasean eta arratsaldean errepikatzeko aukera izango dute; zeren, berriro irekiko dute jolastokia. 16:00etatik 19:00etara egongo da zabalik, hain zuzen ere.
