Etorkizuneko puntisten topaleku izango da gaur arratsaldean Aitzuri frontoia; izan ere, Gipuzkoako Benjamin mailako topaketa egingo dute 16:00etan hasita. Zumaiako Pilota Elkartetik azaldu dutenez, zortzi kiniela jokatuko dituzte, guztira, eta herriko gaztetxoekin batera Gipuzkako beste lau elkartetakoak arituko dira: Andoaingoak, Hondarribikoak, Mutrikukoak eta Tolosakoak, hain zuzen ere.
Horrez gain, zehaztu dute hamalau izango direla gaurko topaketan parte hartuko duten etxeko puntista hasi berriak. Ordezkaritza zabala izango du Zumaiak, beraz.