Adinekoek nabigatzen eta mezu elektronikoak bidaltzen ikas dezaten, ikastaroa antolatu dute elkarlanean KZ guneak eta Beheko Plaza jubilatuen elkarteak. Urriaren 16an hasi eta 27ra bitartean, astelehenetik ostiralera 9:00etatik 11:00etara elkartuko dira KZ guneak Forondan duen egoitzan.
Aurrez izena eman beharko dute parte hartu nahi dutenek Beheko Plaza elkartearen bulegoan. Horretarako, 943-86 27 41 telefonora deitu beharko da, astelehenetik asteazkenera, 11:00etatik 12:00etara.