Artadiko auzotarrak jai giroan murgilduta dabiltza goizean goizetik. Jai hasierako txupinazoa eta meza nagusiarekin hasi dituzte festak, eta ondoren, afizionatuen lehen mailako esku pilota partida jokatu dute frontoian.
Aldaketa bat izan da pilotarien artean; izan ere, Beñat Senarrek ezin izan du lehia jokatu, eta beraz, Oier Larrañagak hartu du bere lekua. Hori horrela, Unai Albenizek eta Oier Larrañagak osatutako bikotea 22-15 gailendu da Ander Garmendiak eta Iker Amianok osatutako bikotearen aurrean.