Ikasture berriarekin batera hasiko dira lehen hiruhileko kirol ikastaroak Lubaki kiroldegian. Ohikoa den moduan haur zein helduentzako askotariko ikastaroak eskainiko dira urte osoan zehar, eta horietan izena emateko aukera egongo da abuztuaren 28tik aurrera.
Aurtengo ikasturtean pilates, cycling, TRX, GAP edota igeriketa ikastaroetan parte hartzeko aukera izango dute herritarrek, besteak beste. Halaber, eskola kirol egokituan parte hartzeko aukera ere izango da: astean bi egunez 60 minutuko kirol jarduera egiteko aukera izango dute aniztasun funtzionala duten 6 urtetik gorako haur eta gaztetxoek.
Informazio guztia etxeetara bidalitako eskuorrian edo ondorengo loturan dago eskuragarri.