Atzo amaitu zuten 7ko Futbol Txapelketa eta IMPHBJ eta U.D. Lovers taldeak izan ziren bi txapeldunak. Ubera Jatetxea eta Taosa taberna izan dituzte aurkari finalean, hurrenez hurren.
IMPHBJ-k, liga irabazi zuen, txapelketako lehiaketa nagusia; izan ere, izena eman duten talde onenak aritu dira ligan. Multzoen fasean lehenengo bi postuetan sailkatutako taldeak, hain zuzen ere. IMPHBJ Ubera Jatetxearen aurka aritu zen atzoko finalean eta 1-3 irabazi zuen.
Kopan, berriz, ligara sailkatzea lortu ez zuten gainerako taldeak aritu dira eta guztien artean U.D. Lovers izan da onena finalean Taosa taberna menderatuta. 2-4 izan zen azken emaitza.