Igon Manzisidor Zumaiako Triatloi Taldeko kideak bigarren postua eskuratu du asteburuko EhunMilak ultratrail lasterketan. Ostiralean, 20:00etan ekin zioten 550 korrikalarik probari, Beasaindik abiatuta, 168 kilometroko ibilbidea osatzeko helburuarekin.
Hainbat herritatik nahiz menditatik igarota, 24 orduren bueltan sartu zen lehen lasterkaria Beasaingo helmugara. Hain zuzen, Jesus Bailo izan zen azkarrena, 24:24:50 denbora eginda. Haren ostean helmugaratu zen Manzisidor, 24:44:56 denborarekin; Zumaiako taldekidea bigarren sailkatu zen. Hirugarren, berriz, David Gomez izan zen, proba 26 ordutan, 06 minututan eta 22 segundotan osatuta.