Urtero bezala, San Pedro jaiekin batera jokatu dituzte pilota txapelketa herrikoiko azken partidak Odieta frontoian. Herenegun, asteazkena, eskuzko partidak jokatu zituzten, eta atzo, San Pedro Egunez, palazkoak. Odriozola-Iribar eta Larra-Izarra bikoak izan dira nagusi txapelketetan, hurrenez hurren.
Eskuzko finalaren kasuan, Odriozola eta Iribar gailendu ziren, Etxabe-Oliden bikoa 10 tantorekin utzita. Palaz, berriz, ozta-ozta eskuratu zuten garaipena Larrak eta Izarrak, 22 eta 21 egin baitzuten Zendoia eta Oskarbiren aurka. Kopako finalean, berriz, Akuxi eta Iriondo nagusitu ziren.