Ekitaldi ugari izan dira San Pedro goizean. Lehendabizi, 11:00etan prozesioa eta meza nagusia egin dituzte San Pedro abesbatzak lagunduta. Jarraian, Tolosako dultzaineroek eta Joselontxos txarangak alaitu ditu Zumaiako kaleak.
Horrez gainera, 11:00etatik hasi eta 13:00ak bitartean haurrentzako jolas eta tailer ugariz gozatu dute txikienek Torreberrin. Eta goizari amaiera emateko, Zumaiako Txistulari bandak eta ZUMB Musika Bandak kontzertua eskaini dute Eusebio Gurrutxaga plazan.