Emakumeen pala txapelketa antolatu du Zumaiako Emakumeon* Etxeak. Gaur arratsaldean jokatu dira finalak. Mailaren arabera bi txapelketa egin dituzte: hasiera maila eta maila aurreratua. Hasiera mailan, Nerea Lersundi eta Maddi Gallastegik aurkari izan dituzte Aloña Otegi eta Aintzane Etxabe. Azken hauek jantzi dute txapela, 22-17 irabazi ondoren.
Maila aurreratuko finala zarauztarren artean neurtu da. Partida jokatu dute Saioa Iraola eta Maialen Manterola bikoteak eta Yone Maza eta Karmele Martinez bikoteak. Lehia estua izan da, eta azkenean 22-19 markagailuarekin irabazi dute partida Saioa Iraola eta Maialen Manterolak.