Zumaiako Udaleko Kultura Sailak antolatzen dituen ikastaro eta tailerrak emateko zerbitzua prozedura ireki bidez kontratatuko da aurrerantzean. Zabaldu dute dagoeneko proposamenak aurkezteko epea, eta uztailaren 19ko 14:30ak artean jasoko dituzte.
Prozedura hori erabiliko den lehenbiziko aldia denez gero, udalak jarraitu beharreko pausoen berri eman du gida honetan.
Urriaren hasieratik maiatza bukatu artean egingo dira tailerrak. Honakoak dira orain arte antolatu direnak: helduentzat, pintura, oinarrizko zeramika, zeramika aurreratua, yoga, Qi Gong eta meditazioa, tai chi eta egur taila; jubilatu eta pentsiodunentzat, yoga; eta haur eta gaztetxoentzat, oinarrizko pintura eta haurrentzat plastika tailerrak.