Zumaiako Udalari eman zion lasterketa antolatzeko lekukoa iaz Flysch kirol elkarteak, hamahiru urteren ostean. Beharrezko informazio trukaketa egin ondotik, dagoeneko abian dira 2023ko Flysch Trail lasterketa antolatzeko lanak.
Aurrez, ordea, herritarrekin probaren inguruko hausnarketa egin nahi du udalak, haren helburuak eta ezaugarriak zumaiar guztien artean zehazteko. Kirol proba honetan interesa duten herritarrekin bilduko dira udal ordezkari eta teknikariak, gaur, udaletxeko pleno aretoan.