Osasun Sailak jasotako ur analisiaren emaitzen arabera, E.coli bakteriak onartutako muga gainditu du Santiago hondartzako uretan, eta beraz, bainua eta uretako bestelako jarduerak debekatuta egongo dira hondartzan bertan zein errioan.
Etzi, osteguna, beste lagin baten emaitzen berri izango du Osasun Sailak, eta gutxienez ordura arte itxaron beharko da uraren kalitatea bainua hartzeko modukoa den ala ez jakiteko.