Komentuko teilatu zaharra desmuntatu, eta datorren asteartetik aurrera, hilak 20, teilatu berria eraikitzeko beharrezko materiala sartuko dute Alde Zaharrera. Egun horretan, 7:30etik 20:30era bitartean, Bonifazio Etxegarai eta San Jose kalearen zati bana itxita egongo da oinezkoentzat zein trafikoarentzat.
Ondorengo oharrak kontuan hartzeko jakinarazi du udalak:
-
Oinezkoak: etxeko atarietarako joan-etorriak bakarrik egin ahal izango dira
-
Ibilgailuak: errepidea erabat itxita egongo da. Ordezko bidea jarriko da: Angeles Sorazu kaleko aldapatik joan, Arritokieta kaletik igo, eta Odieta kaletik jaistea.
-
Erribera kalea 1 eta 1BIS atarietako bizilagunentzat oharra: arau orokor gisa, egun horretan ezin izango da ibilgailurik atera eremu horretatik (ez kanpoko aparkalekuetatik, ezta garajetik ere). Momentu puntualetan soilik irekiko da, obraren garapenaren arabera.
- Ubillos zeharkatzen duen bidea noranzko bakarrean erabili ahal izango da (mapan zehazten den moduan). Horrenbestez, Ubillosera ezingo da autoarekin sartu.