Raixta edo 'Elkarrekin piztu duguna' ospatu zuten larunbatean Martxoaren 8a plazan. Eguraldi ona izan zuten egun osoan zehar, eta herritar mordoa hurbildu zen egun osorako antolatuta zeuden ekintzak eta postuak ikustera.
Goizean goiz jarri zituzten Zumaiako emakume sortzaileek euren postuak plazan, eta horren ondoren etorri ziren sukaldaritza tailerra, trabesia luzeetarako motxila egiten ikasteko tailerra, txalapartariak eta kontzertuak. Jarraian bertso bazkaria izan zuten Amaia Agirre eta Uxue Alberdirekin, eta egunari amaiera emateko, batukada kalejirara egin zuten herri osoan zehar.