Goiko eta Gorka ‘Donostia Grand Slam 2023’ko finalerdietarako sailkatu dira Carmelo Balda pilotalekuan jokatutako hirugarren eta azken jardunaldien emaitzen ondoren.
Lehen partida Erkiaga-Bailo eta Barandika-Zabalaren artean jokatu zen, azken hauen garaipenarekin. Bigarren partida Olharan-Basque eta Erik-Lekerika bikoteen artean jokatu zen, eta azken bikotea izan zen garaile.
Hori horrela izanik, A taldean Goiko eta Gorkak lortu dute lehen postuan sailkatzea, eta Barandika-Zabala sailkatu dira bigarren. B taldean berriz, Erik eta Leikerikak lortu dute lehen postua; eta Johan eta Lopezek osatzen duten bikotea berriz, bigarren sailkatu da.
Datorren larunbatean, arratsaldeko 18:00etan, jokatuko dira finalerdiak Carmelo Balda Pilotalekuan. Goiko eta Gorkak, Johan eta Lopez izango dituzte aurkari, eta Erik eta Leikerikak berriz, Barandika eta Zabala. Sarrerak www.eventbrite.es webgunean daude eskuragarri.