Kontzertu berezia emango du datorren larunbatean Zumaiako Udal Musika Bandak. Izan ere, S. Reineke konpositore Estatubatuarraren musikaz osatutako emanaldia eskainiko dute, Goizeder Iturain antzezlearekin batera.
Mundu osoko mitologia du oinarri errepertorioak. Soinu misteriotsu eta primitiboak izango dira nagusi, gai melodikoekin batera. Pele sumendiaren mitoetatik edo eskandinaviako mitologiara eramango dute entzulea bidaia musikatu batean.
Beheko plazan izango da emanaldia, 13:00etan hasita.