Kaleko pintura lehiaketarekin batera, igande goizean Udaberriko argazki rallya ere egingo da Zumaian igandean. Goizez arituko dira argazkilariak lanean. Izenak egunean bertan emango dira, goizeko 9:00etatik 10:00etara bitartean, Alondegiko Oxford aretoan. Izen ematea doakoa izango da parte-hartzaile guztientzat.
Txartelak 13:00etatik 14:00etara deskargatuko dira Oxford bertan. Nahi adina argazki atera ahal izango dituzte parte hartzaileek, baina txartela deskargatzeko orduan 36 argazki bakarrik egongo dira bertan, JPEG formatuan. Lehen argazkia parte-hartzailearen aurpegiaren argazki bat izango da. Gaiak izena ematerako orduan jakinaraziko dira. Argazkiak Zumaiako udalerriaren muga barruan egin beharko dira. Memoriaren txartela hutsik egongo da rally hasieran. Parte-hartzaile bakoitzak bost argazkiz osaturiko bilduma aurkeztu beharko du (gehi kontrolekoa), deskargatutako 36 argazkien artean aukeratutakoak; gai bakoitzeko argazki bat.
Argazkiak zumaia.udaberrikorallya@gmail.com helbidera 2023ko maiatzaren 26a baino lehen. Parte-hartzailearen zenbakia eta gai bakoitzerako aukeratu den argazkiaren artxibo izena zehaztuko dira mezuan.
Sariak hauek izango dira:
16 urtetik gorakoen kasuan, irabazleak 200 euro jasoko ditu Gertuk emandako erosketa bonoetan, eta garaikurra; bigarrenak 150 euro jasoko ditu, bonoetan; eta hirugarrenak 120 euro erosketa bonoetan. Herriko partaide onenak 100 euro jasoko ditu Gerturen erosketa bonoetan.