Zumaiako Udalak udaleku irekietarako koordinatzaile eta begirale postuetarako deialdiak egin ditu, eta horrekin batera, postu horietarako oinarriak eman ditu argitara. Postu bakoitzerako zerrenda bana osatuko dute, beraz, bi postuetarako interesa dutenek bi zerrendetan eman beharko dute izena.
Zerrendetan izena emateko epea atzo zabaldu zuten eta martxoaren 15era arte egongo da horretarako aukera. Jakinarazi dutenez, eskaera udaletxean bertan egin daiteke edo nahiago baldin bada, telematikoki ere egin daiteke
Udaleku irekien helburua da 3-12 bitarteko haurrentzat gozamen espazio ludikoa eskaintzea eta horiekin balioak lantzea, hala nola, euskararen sustapena, autonomia pertsonala, berdintasuna edota elkarbizitza.