Polonian eta Suedian jokatzen ari diren munduko eskubaloi txapelketa final laurdenetara heldu da. Espainiako selekzioak Norvegia izango du gaur aurkari Gdansk hirian, 18:00etatik aurrera. Partida Teledeporte bidez ikusi ahal izango da zuzenean.
Espainiako selekzioak bigarren amaitu zuen main round delako fasea Poloniari eta Esloveniari irabazita, eta azken partidan Frantziarekin galduta. Aurretiko faseko partidetan erakutsitako maila ona berretsi zuen Kauldi Odriozola zumaiarrak main roundean. Defentsako lan aparta egiteaz gain, erasoan ere erabakigarria dela erakutsi zuen Nantes klubeko jokalariak. Esloveniaren aurkako partidan bera izan zen Espainiako selekzioko goleatzaile nagusia, sei golekin; Poloniari hiru gol sartu zizkion eta bakarra Frantziari.