Dantza eta pintura uztartuko dituen jarduera antolatu du Astindu dantza taldeak urtarrilaren 3rako. Familia osoari zuzendutako tailerra Sagarbideko gimnasioan egingo da, bi saiotan banatuta: 10:00etatik 11:30era lehena, eta 12:00etatik 13:30era bigarrena. Laia Bedos izango da irakaslea.
4 urtetik gorako haurrek hartu ahal izango dute parte, eta doakoa izango da tailerra. Plazak mugatuak izango direnez, aurretik izena eman beharko da astindu.zde@gmail.com helbidera idatzita.