Amaitzear da Aste Santuaren bueltan abiatutako partaidetzazko aurrekontuen prozesua. Milioi erdi euro gordeko ditu udalak datozen bi urteetako aurrekontuetarako, eta herritarrek proposatuko dute zertan gastatu eta erabili.
Ehunka proposamen jaso ondoren, azken fasera iritsi diren hogeiren artean hiru aukeratu beharko dituzte orain herritarrek. Gaur izango da horretarako azken eguna.
Bozketa fasera heldu diren proposamenak partaidetza.zumaia.eus webgunean ikus daitezke. 16 urte eta gehiago dituzten, eta Zumaian erroldatuta dauden herritarren eman dezakete botoa. Webgune horretan bertan botoa eman daiteke, edota udaletxean, kiroldegian, Alondegian, Gizarte Zerbitzuetan (Branka eraikina), Gizarte Zentroan (Hogarra) eta Oikiako eskolan jarri dituzten postontzietan utzi daiteke boto orria. Aurrez aurre, berrize, gaur Kofradian 17:00etatik 19:00etara jarriko duten postuan eman ahal izango da botoa.