Urriaren 15ean egingo dute piraguistek lau urtean behin egiten duten festa. Gaurko piraguistek zein izandakoek egingo dute bat egun horretan, Itxas Gain elkarteak antolatuta. Arratsaldean, 16:00etan, piragua irteera egin eta Jose Migel Egaña eta Fernando Balenziaga zirenak oroituko dituzte. Kalejira eta txikiteoa egingo dute gero kalez kale, eta egunari amaiera emateko, elkarrekin afalduko dute Kupela tabernan.
Afarira bertaratu nahi dutenek Laboral Kutxako ES91 3035 0037 4103 7004 9243 kontu korrontean diru sarrera egin beharko dute irailaren 18a baino lehen. Helduek 40 euro ordainduko dituzte, eta 12 urtetik beherako haurrek 25 euro. Kamiseta ere emango zaie parte hartzaileei.