Anton Egigurenen pintzelkadak Galiziara ere iritsi dira. Izan ere, zumaiarra Ferroleko Canida auzoan egiten den arte jaialdian izan da.
Miresten duen margolari baten obraren berrinterpretazioa egin du Egigurenek bertan: Velazquezen Meninak koadroarena, hain zuzen. Obra horretako elementu nagusiak bere erara irudikatu ditu Egigurenek: Meninak, erregeak edota zakurraren ordez katua ikus daitezke Canida auzoan egindako muralean.