Santiago hondartzako uretan E. coli bakteriaren onartutako muga gainditu dela ondorioztatu du Osasun Sailak egindako ur analisian. Hori dela eta, Osasun Sailak berak emandako irizpideei jarraiki, bainua eta uretako bestelako jarduerak debekatuta egongo dira Santiagon eta Urolaren itsasadarrean uraren kalitatea hobetu bitartean.
Egingo den beste analisi baten emaitzak izango ditu ostegunean Osasun Sailak, eta haren arabera jakingo da Santiagoko eta errioko uraren kalitatea bainua baimentzeko modukoa den.