Olagarroak 2022 izenburupean aurkeztu du Bikers Urola Kosta taldeak Motor Topaketaren zortzigarren edizioa. Goizean goiz elkartuko dira motozaleak Alai auzunean: 9:30ean egingo diete harrera parte hartzaileei, eta kamiseta bana emango diete. Irteera ere egingo dute nork bere motor gainean, 11:00etatik 12:00etara bitarte, eta jakinarazi dute ez dela beharrezkoa izango aurrez izena ematea. Eguerdi partean, 13:00etan, taldeko argazkia aterako dute tabernaz taberna jatetxera joan aurretik. Kupela jatetxean bazkalduko dute gero.
Arratsaldean Alai auzunera itzuliko dira berriz ere, eta 17:00etatik aurrera zaldi simulazioak egingo dituzte bertan. Ordubete beranduago Emilio Zamorak akrobazia erakustaldi bat eskainiko du, eta azkenik, 19:00etan, zozketak egingo dituzte parte hartzaileen artean.