Gertu Zumaiako merkatarien eta ostalarien elkarteak ekintza solidario bat abiatu du SOS Ukraina Zumaia taldearekin elkarlanean Ukrainako errefuxiatuentzako dirua biltzeko. Hala, itsulapikoak jarriko dira elkarteko kide diren saltokietan. Itsulapiko hauek bi hilabetez egongo dira aipatu denda eta tabernetan.
Itsulapiko horiek SOS Ukraina Zumaia elkartearen kontu korrente zenbakia ere eramango dute, baita Bizumeko zenbakia ere, diru sarreren bidez lagundu ahal izateko.
Ekimenaren bultzatzaileek azaldu dutenez, biltzen den zenbatekoa Zumaiara iristen diren errefuxiatuei laguntzeko erabiliko da. Zenbateko bat ere Caritas Polonia erakundera bideratuko da, Ukrainako errefuxiatuak premiako artikuluz hornitzeko.