Arrangoleta eta Eskola Txikia haurreskolek matrikulazioa egiteko epea zabaldu dute gaur, astelehena. Interesa duten herritarrek maiatzaren 9ra arte dute aukera, eta horretarako, www.haurreskolak.eus webgunea bisitatu beharko dute. Gainera, bi haurreskolek ate irekiak egingo dituzte. Hala, Arrangoleta maiatzaren 5ean bisitatu ahalko da, 17:30etik 19:00etara, eta bertaratu nahi dutenek 943-86 22 92 telefonora deitu edota arrangoleta.zumaia@haurreskolak.eus e-postara idatzi beharko dute. Aldiz, Eskola Txikia bisitatu nahi dutenek, maiatzaren 3an izango dute aukera, 17:30etik 19:00etara, eta 943-86 53 45 telefonora deitu edo eskolatxikia.zumaia@haurreskolak.eus e-postara idatzi beharko dute.