Gipuzkoako Batek Ligako bederatzigarren jardunaldia Donibane Ziburun jokatu zuten atzo arratsaldean. Telmo Deunek bost kategoriatan parte hartu zuen, zortzi ontzirekin, eta garaipen batekin etxeratu ziren zumaiarrak; hain zuzen ere, infantil mailako neskek erdietsi zutenarekin.
Infantil mutiletan, bederatzigarren eta hamargarren bukatu zuten Zumaiako ontziek; infantil nesketan, lehen, bosgarren eta bederatzigarren sailkatu ziren; promesa mutiletan, bederatzigarren; promesa nesketan, seigarren eta hamargarren; eta jubenil mutiletan, laugarren.
Gaur Getarian jokatzekoak ziren batel estropadan ere parte hartzekoak ziren Telmo Deuneko arraunlariak, baina jardunaldia bertan behera utzi dute, haize handiegiagatik.