Martxoaren 8an, Emakumeen Nazioarteko Egunean, kaleak betetzeko deia egin du Zumaiako Mugimendu Feministak. Feminismoa, dena aldatzeko lelo hartuta, Beheko plazatik abiatuko da mobilizazioa, 19:00etan.
Emakumeen* Etxea ezagutzeko parada izango dute, gainera, Zumaiako eskoletako ikasleek. Hilaren 7an, 8an eta 9an egingo dizkiete toki hori ezagutzeko bisita gidatuak.
Zaintza mahai gainera
Berdintasun Sailak, bere aldetik, zaintzaren gaia mahai gaineratuko du. Ana Fernandez Cubero arkitektoa Zumaian izango da hilaren 17an eta 18an. Zaintzaren arkitekturaren inguruan arituko da lehen saioan; oinarrizko kontzeptuak azaldu, eta horiek Zumaian lurreratzeko solasaldi gidatua eskainiko du adituak. Herriko gabezia eta indarguneak aztertuz, Zumaian zaintzaren egoeran dagoen egoeraren inguruko diagnostikoa egingo du bigarren hitzorduan. Bi saioak gazteleraz izango dira.
Apirilaren 6an helduko diote berriz ere zaintzaren gaiari. Emagin taldeko formatzaile Miren Arangurenek "elkar zaintzeko sistema publiko-komunitarioa" izango du mintzagai.
Egitaraua
Martxoak 3, gaur
19:00. Luze edo motz ikuskizuna. Mirari Martiarena eta Idoia Torregarai. Emakumeon* Etxean, euskaraz.
Martxoak 7, 8 eta 9
Eskolako ikasleen bisitak Emakumeon* Etxera.
Martxoak 8, asteartea
19:00. Manifestazioa, Beheko plazatik. Zumaiako Mugimendu Feministak deituta.
Martxoak 17 eta 18
Zaintzari buruzko jardunaldiak.
Martxoak 17, osteguna
18:00. Arquitecturas del cuidado. Ana Fernandez Cubero. Emakumeon* Etxean, gazteleraz.
Martxoak 18, ostirala
18:00. Sosteniendo la vida en común en Zumaia. Ana Fernandez Cubero. Emakumeon* Etxean, gazteleraz.
Apirilak 6, asteazkena
18:00. Elkar zaintzeko sistema publiko-komunitario baterantz. Udalerrien erronkak. Miren Aranguren, Emagin. Emakumeon* Etxean, euskaraz.