Otsailaren 12an Bilbon egingo den manifestazioan parte hartzeko deia ere egin dute gaurko kontzentrazio honetan. Estatu mailako pentsiodunen elkarteek deitu dituzte mobilizazio hauek hainbat hiritan, eta Euskal Herrikoak ere bat egin du deialdiarekin. Hala, Moyua plazatik abiatuko da manifestazioa, larunbatean, eguerdiko 12:00etatik aurrera.
Bestalde, ELA eta LAB sindikatuetatik, eta egoitzetako familiartekoek sortutako Senideak taldetik igorritako mezua ere irakurri dute gaurko elkarretaratzean, "Gipuzkoako egoitzetako langileek babesa eman diezaiogun". Aldundiak lurraldeko adinekoen egoitzen egoera larriari irtenbideri aurkitzeko borondaterik ez duela salatzen dute oharraren sinatzaileek, eta egoitzetako langileen ordezkariekin biltzeko eskatzen diote Aldundiari. Ahobatez egin dute bat plazan bildutakoek oharrak dioenarekin.