Ostiralean izango da ikusgai GUKA magazinaren denboraldi berriko hurrengo atala, 22:00etatik aurrera, Erlo Telebistan nahiz UKTren tokiko webguneetan; tartean Baleiken. Askotariko gaiak landuko dira saioan zehar, besteak beste, Zumaiako Basadi auzoan egindako kale inkesta, Zestoako 3Z taldeak adinekoei zuzendutako kartoizko altzarien tailerrari buruzko erreportajea, Xabier Sukia kazetari oriotarrari egindako elkarrizketa eta 'Urrutira joan gabe' atalean Aratz Errekan egindako ibilaldia izango dira ikusgai ostiraleko saioan. ‘Lehendakari gaia’ antzezlanak ere izango du bere lekua.
Urola Kosta eskualdea osatzen duten txoko, istorio eta protagonistei ahotsa emateko helburuarekin sortu zuen Urolako Komunikazio Taldeak (UKT) GUKA magazina. Honako hau 2022ko otsaileko atalaren aurrerapen bideoa da.
Ikusi GUKA magazinaren atal guztiak honako lotura honetan.