Gernikako frontoian jokatuko dira txapelketa honetako partida guztiak. Hamabi pilotarik hartuko dute parte txapelketan, sei bikotetan banatuta. Horien artean dira Iñaki Osa Goikoetxea eta Imanol Lopez zumaiarrak. Herriko puntisten lehen pilotakadak ikusteko astelehenera arte egon beharko da zain.
Gaur jokatuko da txapelketako lehen jardunaldia, 22:00etatik aurrera. Erkiaga eta Zabala Barandika eta Lekerikaren aurka arituko dira estelarrean. Jaialdiko lehen partidan, A. Goitia-D. Mandiola eta Johan-Manci bikoteak neurtuko dira.
Urtarrilaren 31n, eta otsailaren 14an eta 28an izango dituzte partidak Zumaiako pilotariek. Lopez Arberekin arituko da txapelketa honetan, eta Goikoetxea Aimarrekin.