Erribera kalean kokatzen da Aita Mariren bustoa, Alondegiko izkinan, Urolaren itsasadarrera begira. Bustoak Jose Mari Zubia Aita Mariren jaiotza eta heriotza urteak daramatza plaka batean.
Plaka hau, Aita Mariren bustoarekin batera, Idoia Idigorasek eta Rakel Nacentak berriztatu zuten, eta 2016ko ekainean jarri zuten bere lekuan, Alondegiko izkinan. Orain bigarren zaharberritze bat izan du, metodo berriak erabilita. Nacenta arduratu da bigarren prozesu honetaz. Lana pausoka egin duela adierazi du berriztatzaileak, "zonalde berria eta zaharraren arteko lotura indartzeko bide berriak ikertzen zuen bitartean".
Bidalitako argazkietan ikus daiteke berriztatze prozesuko une batzuk.
