Urte bukaerarekin batera, euskal presoen eskubideen aldeko ekintzak egin ohi dira, eta aurten ere hala izango da.
Hasteko, abenduaren 24an, mus txapelketa jokatuko da, 16:30etik aurrera, Metro eta Inpernupe tabernetan. Izenak egunean bertan emango dira, 16:00etatik aurrera, Inpernupen.
Bi egun geroago, abenduaren 26an, bi mobilizazio egingo dira Donostian. Lehenbizi, 12:00etan, Martutene espetxetik abiatutako bizikleta martxa egingo da. Ondoren, 13:00etan, manifestazioa egingo da Donostiako epaitegien parean.
Urtea amaitzeko, abenduaren 31n, ostirala, manifestazioa egingo da Zumaian, Beheko plazatik abiatuta. 19.00etan izango da.
Amaitzeko, urtarrilaren 8an, manifestazioa egingo da Bilbon "elkarbizitzarako · bakerako · etxerako · bidean" lelopean. Autobusak izango dira joateko zein bueltatzeko, eta zerbitzu horiek erabili nahi dituztenek aurrez izena eman dezakete Metro eta Inpernupe tabernetan, edo hemen.