Kontzertu berezi batekin ekingo dio aurtengo Klarinete Maratoiari Sapere Aude Sinfoniettak. Richard Straussen Serenade Op. 7 für Blasintrumente, eta Antonin Dvoràken Bläserserenade D-Moll, Op.44 joko ditu Fernando Urainek zuzendutako orkestrak. Emanaldia 19:00etan izango da, Zumaiena ikastetxeko aretoan.
Sarrerak aurrez salgai daude Turismo Bulegoan, 5 euroan; 3 euroan 12 urtetik beherakoentzat.
Abenduaren 12ra bitartean, emanaldi ugari izango da Klarinete Maratoiaren barruan. Hona hemen egitaraua osorik:
Abenduak 8
19:00etan, Zumaiena Ikastetxeko aretoan, Sapere Aude Sinfonietta & Lagunak: Strauss & Dvoràk. Zuzendaria: Fernando Urain.
Sarrerak aurrez salgai turismo bulegoan. Helduentzat, 5 eurotan; haurrentzat, 3 eurotan.
Abenduak 9
19:00etan, Zumaiena Ikastetxeko aretoan, hainbat musika eskola eta kontserbatorioetako ikasleen kontzertua.
Abenduak 10
18:30ean, Zumaiena Ikastetxeko aretoan, Legazpiko gazte musikariak.
Abenduak 11
16:30ean, Komentuan, Klarinete laukoteen kontzertu-lehiaketa.
Abenduak 12
12:30ean, Zumaiena Ikastetxeko aretoan, Maratoiko ikasleen amaiera-kontzertua.
18:30ean, Zumaiena Ikastetxeko aretoan, Urvan Ensemble & Guest: Tribute to Chiri.
Klarinete Maratoian sortutako Urval Ensembleko kideek eta hainbat gonbidatuk duela gutxi jubilatu den Jose Miguel Chirivella omenduko dute. Euskadiko Orkestrako lehenengo klarinete bakarlaria izan da Chirivella. Fernando Urainek zuzenduko du kontzertua.