Energia komunitatea sortzeko asmoz, gaiaren inguruko saioa izan zen atzo, asteartea, Alondegiko Oxford aretoan. Herritar talde batek antolatu du saioa, eta azaldu dutenez, "arrakastatsua" izan zen deialdia. Alazne Arruti Goiener kooperatibako energia komunitateak sortzeko aholkulariak eta Alfonso Garcia Union Renovables Elkarteko lehendakariak energia komunitateak zer diren eta nola funtzionatzen duten azaldu zieten bertaratutako herritarrei.