Xey fabrika zenean dagoen zerrautsa erre da gaur ere

Gaur arratsaldean suhiltzaileek esku hartu dute Xey fabrika zenean, bertan dagoen zerrautsa erre eta ke handia ateratzen hasi delako. 

Bertako bizilagunek ohartarazi dituzte suhiltzaileak, eta 17:00ak aldera bertaratu dira. Arazorik gabe itzali dute gori-gori zegoen zerrautsa. 

Suhiltzaileek jakitera eman dutenez, duela hiru egun ere erre zen fabrika zaharreko zerrautsa.