Zumaiako ordezkaritzak gizonezkoetan zein emakumezkoetan parte hartuko du eta herrian bertan lehian ikusteko aukera izango da asteburuan zehar.
Gizonezkoen txanda izango da gaur. Txapelketako final laurdenak jokatuko dira 16:00etan hasita. Lau izango dira gaur jokatuko diren partidak, eta norgehiagoka bakoitzeko irabazleak larunbatean 18:00etatik aurrera jokatuko diren finalerdietara sailkatuko dira. Gizonezkoen finala igandean jokatuko da, eguerdiko 12:00etatik aurrera.
Emakumeak ere lehian izango dira Zumaian. Larunbat goizean, 10:00etan hasita, ligaxkako laugarren jardunaldia jokatuko da, eta Zumaia Berriatuaren aurka arituko da; arratsaldean jokatuko da ligaxkako bosgarren eta azken jardunaldia, eta Vasconia izango du aurkari Zumaiak.
Behin ligaxka amaituta, bi bikote onenek txapelketako finala jokatuko dute igandean, goizeko 11:00etan hasita.