Datorren asteazkenean, irailaren 1ean hasiko da Zumaia Cuban Boxing klubak antolatzen duen boxeo eskolako kurtso berria. Goizez eta arratsaldez eskainiko dira boxeo jarduerak, egunaren arabera.
Hala, astelehen eta asteazkenetan 10:45etik 11:45era izango dira helduentzako kurtsoak, eta astearte eta ostegunetan arratsaldez, 19:30etik 20:45era. Haur eta gaztetxoei zuzendutako kurtsoak irailaren 8an hasiko dira. 2021-22 kurtsoan 8 eta 9 urte bitarteko haurrei zuzendutako boxeo jarduerak eskainiko dira. Hamar haurreko taldera mugatuko da parte-hartzea. Haurren ikastaroak asteartetan eta ostegunetan emango dira, 18:30etik 19:30era.
Boxeo jarduera hauetan parte hartu nahi dutenek 606 10 76 33 (Ruben) telefono zenbakira dei egin dezakete.