Jaialdiko emanaldi askorekin gertatu bezala, kontzertu honetarako gonbidapenak berehala agortu ziren, eta atzo iluntzean San Pedro Parrokira bertaratu ziren musikazaleek saio bikain batez gozatu ahal izan zuten. Schumann, Saint-Saëns, Chausson eta Francken lanak jo zituen bikoteak. Txalo zaparrada batekin agurtu zituzten entzuleek musikariak.
Gaur Aldapeko Basque Latin Jazz taldearen txanda izango da Zumaiako Musika Jaialdiaren barruan. Kontzertua Zumaiena ikastetxeko aretoan izango da, 20:00etatik aurrera. Gonbidapenak eskuragarri daude oraindik Zumaiako turismo bulegoan, doan.