Zumaiako XXXIII. Argazki Lehiaketara aurkeztutako argazki onentsuenak biltzen dituen erakusketa ikusi ahal izango da Alondegiko Oxford aretoan bihartik, ostirala, abuztuaren 8ra bitarte. Arratsaldez zabalduko dute aretoa, 18:30etik 20:30era, eta bihar, irekieraz gain, sari banaketa ekitaldia ere egingo dute 18:30ean.
Joxe Joan Azkueren oroimenez antolatzen den lehiaketan 150 argazkilarik parte hartu dute, eta Jose Mari Razkinen Argi jokoak lana izan da onena, epaimahaiaren ustez. Bigarren saria Manu Barreiro beasaindarrak eskuratu du Faded argazkiarekin, eta hirugarrena, Marcel Van Balken herbeheretarrak jaso du, Gateway izenburua duen argazkiagatik. Soraya Lopez izan da zumaiar onena, Viaje a la luna lanarekin.
Lehiaketara aurkeztutako lanak Distiraren webgunean ere ikus daitezke.